«BITLZ»

«BITLZ» (inglizcha «The Beatles») — ingliz vocal-cholg’u ansambli. Rok musiqasi asoschilaridan. 1950-yillar oxirida Liverpulda kvartet tarzida tashkil etilgan. Asarlarni asosan P. Makkartni bilan J. Lennon ijod qilgan. «Bitlz» dastlab o’yinbop (Sheyk, Tvist kabi Roknroll usullariga asoslangan) qo’shiqlarni ijro etgan. Keyinchalik, kelt folklori, ingliz balladasi uslublari hamda zamonaviy ritmlardan ijodiy foydalanib, o’ziga xos uslub yaratgan. 1966 yilgacha jahon bo’ylab katta sahnalarda (hatto stadionlarda ham) kontsertlar bergan. 1967 yildan boshlab asosan ovoz yozish studiyalarida ishlab, 10 dan oshiq gramplastinka chiqargan, 3 filmga musiqa yozgan. 1970 yilda tarqalib ketgan. «Bitlz» guruhi rok musiqasi rivojiga muhim hissa qo’shib, uni o’yinkulgi, maishat doirasidan san’at darajasiga ko’targan.