CHIVINXO’RLAR

CHIVINXO’RLAR (Muscicapidae) chumchuqsimonlar turkumi oilasi. 70 ga yaqin urug’i va 360 ga yaqin turi bor. Yer yuzining Amerikadan tashqari hamma qit’alarida uchraydi, ayniqsa, tropik mamlakatlarda keng tarqalgan. Tanasining uzunligi 110-180 millimetr, vazni 8-25 gramm. Keng mustahkam tumshug’i asosida egik qillari bor. Uyasini daraxtlar shoxiga quradi. 2— 10 (ko’proq 68) ta tuxum qo’yib, modasi yoki ikkala qush 10-17 kun bosadi. Jo’jalarini ham ikkalasi 10-18 kun boqadi. Hasharotlar, o’rgimchaklar, kapalaklar va boshqa qanotli hasharotlar bilan oziqlanadi. Ayrim turlari ucha olmaydigan umurtqasizlar (qo’ng’iz, kana, o’rgimchaklar va boshqalar) ni yeydi. Kuzda oziq yetishmaganda o’simlik mevalari va urug’lari bilan ham oziqlanadi.