G’OZQANJIR

G’OZQANJIR, suv tovug’i — g’ozqanjirlar urug’iga mansub qush. Avstraliyadan boshqa hamma joyda tarqalgan. Tanasi 35 santimetrga, vazni 200— 350 grammga yaqin. Oyoqlari uzun, dumi va tumshug’i qisqa. Usti qo’ng’ir-sarg’ish, yon qismi ko’ndalang oq yo’lli, qorni kulrang, boshi qora, peshonasida qizil dog’i bor. Chuchuk suv havzalari atrofidagi qamishzor, butazor va o’tli joylarda yashaydi. Suvda yaxshi suzadi. Uyasini qamishlar orasiga yoki butalarga quradi. Yilda 2 marta 6-12 tadan tuxum qo’yadi. Tuxumlarini 20— 22 kun bosadi. Suv hasharotlari bilan oziqlanadi. Shim. mintaqalarda yashaydigan G’ozqanjir Janubiy o’lkalarda qishlaydi. Ovchilik ahamiyatiga ega emas.