FOLLIKULALAR

FOLLIKULALAR (lotincha folliculus xaltacha) — hayvonlarning turli organlarida joylashgan yumshoq, oval yoki noksimon ko’p qavatli kovak tuzilmalar; har xil funktsiyani bajaradi. Sut emizuvchilar tuxumdonidagi Follikulalarda tuxum hujayra yetiladi. Qalqonsimon bez Follikulalarida tireoid gormonlar sintezlanishi uchun lozim bo’lgan sekret ishlab chiqariladi. Soch follikulasi (soch xaltasi) ga yog’bezlarining chiqarish yo’li ochiladi. Ovqat hazm qilish, nafas olish, ayirish organlari shilimshiq qavatlarida juda ko’p Follikulalar joylashgan.