FINVAL

FINVAL, seldsimon kit (Balaenoptera physalus) — tishsiz kitlar kenja turkumiga mansub sut emizuvchi. Arktikadan Antarktikagacha bo’lgan joylarda tarqalgan. Uzoq Sharq dengizlarida, kamdankam Barents va oq dengizlarda uchraydi. Urg’ochisi gavdasining uzunligi 19-20 metr (ba’zan 27,3 metr, odatda, erkaklari urg’ochisidan 1 metrgacha kalta). Usti to’q kulrang, qorni oq, boshining o’ng qismi chapiga nisbatan oqishroq. Mo’ylov plastinkalari (har qatorda 360 ga yaqin) kulrang ko’k. Bolasining uzunligi 6-7 metr Finval qisqichbaqasimonlar, baliqlar, boshoyoqli mollyuskalar bilan oziqlanadi. Soni kamayib ketganligi sababli ovlash taqiqlanadi. Tabiatni muhofaza qilish xalqaro Ittifoqi qizil kitobiga kiritilgan.