LEYPSIG UNIVERSITETI

LEYPSIG UNIVERSITETI – Germaniyadagi qadimgi va yirik universitetlardan biri. 1409 yil tashkil etilgan. Tibbiyot, siyosiy iqtisod, tarix, matematika, fizika, kimyo, biologiya, ilohiyot va boshqa ixtisosliklar bo’yicha mutaxassislar tayyorlaydi. Universitetda 90 mingdan ortiq talaba ta’lim oladi. Kutubxonasi (1543)da 3 milliondan ziyod asar saqlanadi.