ADOYI

ADOYI — kuy; uch qismdan iborat o’zbek mumtoz cholg’u kuylar turkumi. Odatda Miskin 1-2 kuylariga ulangan holda besh qismli katta turkumni hosil qiladi. Adoyining birinchi qismi — Chapandoz, ikkinchisi — tarona, uchinchisi — soqiynoma doira usuli negizida yaratilgan bo’lib, yakka cholg’ular (tanbur, dutor va boshqalar) hamda jo’rnavozlikda ijro etiladi. Adoyining 1 va 2-qismlari ashula yo’llari sifatida ham mashhur.