Tavochi

Tavochi-XIII-XVII asrlarda O’rta Osiyo va Eronda xon va podshohlar saroyida xizmat qilgan oliy harbiy mansabdor. Tavochi zimmasiga harbiy yurish ko’zda tutilganda tobe viloyatlardan oziq-ovqat, qurol-aslaha, ot-o’lov bilan belgilangan miqdorda lashkar to’plab kelish, harbiy yurish oldidan hamma qo’shinlarni ko’rikka hozirlash, harbiy yurish vaqtida dam olish va uni o’tkazish uchun qo’shinni qulay o’ringa joylashtirish, dushman qarorgohiga yaqinlashib, uni qamal qiluvchi qo’shinlarni joy-joyiga qo’yish, asirlar va jinoyatchilarning jazolanishini nazorat qilish, qamal xavfi tug’ilganda tevarak atrofdagi qishloqlar aholini qal’aga ko’chirib kelish kabi vazifalar yuklangan.