Kazaklik

Kazaklik (qadimgi rus kazak’)-Rossiyada XVIII asr-XX asr boshlarida harbiy tabaqa. XIV-XVII asrlarda chegara hududlarida harbiy xizmat o’tagan yollanma erkin kishilar (shahar va qo’riqchi kazaklar): XV-XVI asrlarda Rossiya, Polsha-Litva davlatlari chegaralarida (Dnepr, Don, Volga, Ural, Terekda) o’zini o’zi boshqaruvchi erkin kazaklar jamoalari yuzaga keladi. Ular Ukrainada XVI-XVII asrlarda xalq qo’zg’olonlari va XVII-XVIII asrlarda Rossiyada dehqonlar urushining asosiy harakatlantiruvchi kuchi bo’lganlar. Podsho Rossiyasi kazaklardan chegaralarni qo’riqlash, urush va boshqa maqsadlarda foydalanishga harakat qilgan va XVIII asrda ularni bo’ysundirib, imtiyozli harbiy tabaqaga, podsho samoderjaviyesining tayanchiga aylantirilgan. XX asr boshlarida 11 ta kazak qo’shinlari mavjud bo’lgan (Don, Kuban, Orenburg, Zabaykal, Ter, Sibir, Ural, Astraxan, Yettisuv, Amur va Ussuriya). 1920 yili Kazaklik tabaqa sifatida tugatilgan.