Xalq badiiy jamoalar direktsiyasi

Xalq badiiy jamoalar direktsiyasi, Muhiddin Qoriyoqubov nomidagi akademik va xalq badiiy jamoalar direktsiyasi — O’zbekiston Respublikasi Madaniyat va sport ishlari vazirligi tarkibidagi kontsert tashkiloti. 2000 yilda O’zbek davlat filarmoniyasi negizida tashkil topgan. Hozirda (2005) «O’zbekistan» ashula va raqs ansambli (badiiy rahbari Q. Mo’minov), mumtoz ashula ansambli (O’. Saidjonov), M. Yo’lchiyeva guruhi, «Turkiston» kamer orkestri (E. Azimov), «O’zbekiston solistlari» kamer ansambli (A. Raimjonov), To’xtasin Jalilov nomidagi davlat akademik xalq cholg’ulari orkestri (F. Sodikov), Botir Zokirov nomidagi estrada simfonik orkestri (M. Toshmatov), Davlat xor Kapellasi (D. Jdanov) faoliyat ko’rsatmoqda.