Lamantinlar, Manatlar

Lamantinlar, Manatlar (Vanatidae) — sirenalar turkumiga mansub suvda yashovchi sut emizuvchilarning bir oilasi. Tanasining uzunligi 4 metr, og’irligi 360 kilogramm (uzunligi ba’zan 5 metr, og’irligi 600 kilogrammgacha boradi). Tanasi urchuqsimon; dum suzgichi gorizontal, yumaloq. Quloq suprasi va orqa oyog’i yo’q, oldingi oyoqlari ko’krak suzgichlariga aylangan. Yungi yo’q. Tanasi och tusdan to’q kul ranggacha. O’simliklar bilan oziqlanadi. Amerika Lamantinlari, Afrika Lamantinlari, Amazonka Lamantinlari turi bor. G’arbiy Afrikada, Markaziy va Janubiy Amerikada tarqalgan. Bo’g’ozlik davri 5-6 oy, 1 metr keladigan bir bola tug’adi, og’irligi 16-27 kilogramm. 3-4 yoshida jinsiy yetiladi. Soni kamayib ketganligidan ovlash taqiqlangan.