Lorisimonlar

Lorisimonlar (Lorisidae) – sut emizuvchilar sinfining chala maymunlar oilasi. 4 urug’i ma’lum. Jumladan, xipcha Lori (1 tur) va yo’g’on Lori (2 tur) Janubi-Sharqiy Osiyoda, boshqa 2 urug’i Afrikada tarqalgan. Xipcha Lori gavdasining uzunligi 20-25 santimetr, juni sarg’ish-kulrang, dumi bo’lmaydi. Yo’g’on Lori gavdasining uzunligi 18-40 santimetr, juni malla yoki kumusheimon yaltiroq, dumi juda kalta. Lorisimonlar — tungi hayvonlar, ba’zan yalqovlarga o’xshab daraxtlarga osilib oladi. Bitta bola tug’adi. Meva, qushlar tuxumi va hasharotlar bilan oziqlanadi.