Kendirdoshlar

Kendirdoshlar (Arosupaseae) — ko’p yillik o’simliklar oilasi. Daraxt, buta, liana va o’tlardan iborat. Bargi oddiy, cheti tekis. Guli to’g’ri, ikki jinsli, changchisi 5 ta, urug’chisi 2 meva-bargli, 2 uyali. Mevasi ko’sakcha, danakcha, rezavor-meva va boshqalar. Aksari turlarining po’stloqlarida uzun, mayin, pishiq lub tolalari, ba’zan kauchukli bo’g’imsiz sut naychalari bor. Kendirdoshlarning 150 turkumi, 1100 dan ortiq turi bor. Asosan, tropik va subtropiklarda, 9 turkumi mo»tadil iqlimli joylarda tarqalgan. O’zbekistonda bo’rigul va kendir turkumlari uchraydi.