ASAD HAFIZ

ASAD HAFIZ (1930.6.10, Latakiya viloyati, Kardaxa shahri-2000.10.6, Damashq) — Suriyaning davlat va siyosat arbobi, armiya generali (1968). Dehqon oilasida tug’ilgan. 1955 yil Xalab shahridagi Harbiy havo kuchlari kollejini tugatgan. 1964 — 70 yillarda Suriya Arab Respublikasi (SAR) harbiy-havo kuchlari va havo hujumidan mudofaa qo’shinlari qo’mondoni, ayni paytda 1966 yildan mudofaa vaziri. 1970 yil noyabrdan sar bosh vaziri va mudofaa vaziri. 1971 yildan Sar prezidenti va Arab sosialistik uyg’onish partiyasi bosh kotibi. Ayni vaqtda 1972 yil martdan sar progressiv milliy fronti raisi.