Astrolyabiya

Astrolyabiya (yunoncha astron-yulduz, labe-ushlash)-XVIII asrgacha astronomiyada kenglik va uzunlikni aniqlashga, shuningdek, yer o’lchash ishlarida yotiq burchaklarni o’lchashga xizmat qilgan burchak o’lchash asbobi. Ilk Astrolyabiyalar Qadimgi Yunonistonda paydo bo’lgan. Islom Sharqi olimlari (Al-Xorazmiy, Al-Farg’oniy, Beruniy, Nosiriddin Tusiy va hokazolar) tomonidan ancha takomillashtirilgan. XII asrdan G’arbiy Yevropada ham Astrolyabiya bilan tanishganlar.