Muallif: Admin

Shivalamoq nimani anglatishini bilasizmi – bir tekis, bir maromda, o’rtacha tezlik, kuch bilan yog’moq (yomg’ir haqida).

Shishak nimani anglatishini bilasizmi – (bir yoshli qo’y) bir yoki ikki yoshli qo’y, ikki tish yorgan qo’chqor.

Shig’il nimani anglatishini bilasizmi –  Bir tekis; qiyg’os.

Shig’a nimani anglatishini bilasizmi – ko’p darajada, g’oyat mo’l, bir tekis va g’uj-g’uj. Olcha shig’a gulladi.

Shirdon nimani anglatishini bilasizmi – (sut idishi; qo’yning oshqozoni) Kavsh qaytaruvchi hayvonlar me’dasining bir bo’limi.

Shirboz nimani anglatishini bilasizmi – sut emib o’sayotgan, semiz (qo’zi).

Shingillamoq nimani anglatishini bilasizmi – shingil-shingil qilib sindirmoq, shingilga ajratib olmoq. Shingillab yemoq (uzumni).

Shingil nimani anglatishini bilasizmi – 1. Uzum boshining bir qancha donalardan iborat shoxchasi. Bir shingil uzum. 2. Biror narsadan qism.

Shimmoq nimani anglatishini bilasizmi – Suyuqlik, havo va shu kabilarni ichiga yoki tarkibiga tortmoq, o’ziga singdirmoq.

Shesternya nimani anglatishini bilasizmi – harakat uzatadigan, boshqa detalni aylantiradigan tishli g’ildirak. Konus shesternya. Silindr shesternya.