Bo'lim: A harfiga oid pedagogikaga oid ensiklopedik atamalar

Axborotni faksimil uzatish – odamlar o’rtasidagi axborot almashinuvi axborotni faksimil uzatish yordamida matn, gazeta qo’lyozma, grafika, fotografiya va boshqa shu kabi har qanday hujjatni bir ob’yektdan ikkinchi ob’yektga yetkazib berish.

Axborotlashtirish-axborot-kommunikatsiya texnologiyalari (AKT) va xizmatlar konvergentsiyasining darajasi. Axborotlashtirishni rivojlantirish jarayonlarini muvofiqlashtirish – axborot hamjamiyatiga qo’shilishning tayanch omilidir.

Axborot texnologiyasi-axborotni hosil qilish, saqlash, kompyuter yordamida qayta ishlashni ifodalovchi faoliyat sohasi. Axborot texnologiyasini tatbiq etish muhiti bilan o’zaro bog’liq bo’lgan jarayonlarga oid aloqadorlikni o’z ichiga oladigan ko’nikma va vositalar … Batafsil

Axborot texnologiyalari-ta’lim jarayonida axborot olish imkonini beradigan loyihalar.

Axborot resurs markazi (ARM)-ta’lim muassasalari tarkibida tashkil etilgan axborot-kutubxona xizmti ko’rsatuvchi muassasa.

Axborot-ta’lim muhiti-ta’lim jarayonida yangi ma’lumotlarni olish imkonini beradigan o’quv vaziyati.

Axborot bilan ishlash-turli ma’lumotlarni to’plash, qayta ishlash va uzatishdan iborat bo’lib, ta’lim oluvchilar guruhi va pedagogik xodimlar faoliyatini muvofiqlashtirish jarayonida qo’llaniladigan usul.

Axborot-1) amalda qo’llaniladigan aniq xabar. Axborot – kishilar orasidagi, odamlar va EHM orasidagi ma’lumot almashinish hodisasi; 2) Axborot-biror voqea, jumladan, ta’lim-tarbiyaga oid xabar, ma’lumot; 3) ba’zi vaqtli nashrlarning nomi.

Autotrening-o’z-o’zini ishontirishga asoslangan maxsus mashqlar majmui.

Auditoriya-oliy va o’quv maxsus o’quv yurtlarida dars o’tkaziladigan xona.