Bo'lim: B harfiga oid pedagogikaga oid ensiklopedik atamalar

Bob-darslik, qo’llanma va badiiy asarning tugal mazmunga ega bo’lgan qismi.

Bit-dars – tarkibida suhbat, o’yin va ijodiy mashqlarni qamrab oluvchi musobaqa xarakteridagi qiziqarli dars.

Birlashgan Millatlar Tashkiloti Bolalar jamg’armasi (YuNISEF)-Birlashgan Millatlar Tashkilotining asosiy jamg’armalaridan biri, uzoq davom etgan urush natijasida katta qiyinchiliklarga duchor bo’lgan Yevropa bolalariga g’amxo’rlik ko’rsatish maqsadida 1946 yilda tuzilgan.

Bioekosan-O’zbekiston yoshlarining “Bioekosan” o’quv-metodik majmuasi – O’zbekistonda uzluksiz ekologiya ta’limini amalga oshiradigan ta’lim-tarbiya muassasasi.

Biologiya o’quv predmeti-tirik tabiatga oid bilimlarni o’rgatishga qaratilgan maktab o’quv predmeti.

Biologiya o’qitish metodikasi-1) biologiya ta’limi nazariyasi hamda metodikasi bo’yicha talabalarga muayyan bilim, ko’nikma, malakalar hosil qilishga yo’naltirilgan o’quv fani; 2) biologiya o’qitish metodikasi xususiy pedagogikaning alohida tarmog’i.

Biologiya xonasi-biologiya fanini o’qitishda dars va darsdan tashqari mashg’ulotlarni samarali tashkil etish maqsadida maxsus jihozlangan o’quv xonasi.

Biologiya Davlat ta’lim standarti-biologiya ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.

Bioiqlim atlasi-o’quv ko’rgazma materiali; ochiq havola va meteorolik omillar majmui muhitida odamga ta’sir ko’rsatadigan iqlim ko’rsatkichlarining muayyan hudud doirasida taqsimlanishini aks ettiradigan xaritalar to’plami.

Biografik metod-pedagogik tadqiqot usuli, shaxs kelajagini loyilashtirish, tuzatish (korreksiyalash), tashxislash metodi.