Bo'lim: O harfiga oid tarixga oid ensiklopedik atamalar

Oytamg’ali-o’zbek xalqi tarkibiga kirgan do’rmon, qipchoq, qurama, qo’ng’irot, nurota turkmanlari va boshqa yirik qabilalar tarkibiga kirgan yirik urug’lardan biri.

Ozurda-ozor chekkan, ranjigan degan ma’noni anglatgan.

Obkash-asosan chelakda suv tashish uchun ishlatiladigan moslama. Yelkaga qo’yishga qulaylashtirib yog’ochdan qilinadi. Ikki Uchida chelak ilmog’i yoki zanjiri bo’ladi. Turli suyuqlik, meva va sabzavotlar tashishda ham ishlatiladi.

Obkand-qal’a atrofidagi mudofaa maqsadida qazilgan va suluv bilan to’ldirilgan sun’iy to’siq. Obkand qal’a devorlaridan 200 metrcha naridan qazilgan.

Objuvoz puli-Buxoro amirligida sholi va so’li oqlovchi objuvozdan yiliga 20 tangadan 100 tangagacha bo’lgan miqdorda olinadigan soliq.

Ozar-1. Olov, otash. 2. Shamsiz yilining 9-oyi nomi. 22 noyabr-21 dekabrga to’g’ri keladi.