Bo'lim: P harfiga oid pedagogikaga oid ensiklopedik atamalar

Parallel sinflar-teng yoshdagi o’quvchilarning yagona dastur asosida bir nechta bir xil sinflarda o’qitilishi.

“Pantomimo” mashqlari-darsda nofaol bo’lgan o’quvchining ichki qiziqishi va fazilatini yuzaga chiqarishga ko’maklashadigan ta’lim usuli.

Paradigma (yunoncha paradigm – namuna, o’rnak)-turli nazariy yo’nalishlar.

Pantomimika-o’qituvchining mimika, imo-ishora, intonatsiyalar bilan birga, ruhiy holati, his-tuyg’ularini ifodalovchi harakatlari. Pantomimika o’quvchi va o’qituvchilarning o’zaro fikr almashinuvi va bir-biriga ta’sir qilishi uchun qo’shimcha vosita bo’lib xizmat qiladigan xatti-harakatlari.

Pansofiya-Yan Amos Komenskiy tomonidan pedagogik muomalaga kiritilgan va bilimlar ensiklopediyasini ifodalashga qaratilgan atama.

Palestra-Qadimiy Afinadagi o’quv-tarbiya muassasasi.