Bo'lim: S harfiga oid iqtisodiy ensiklopedik atamalar

SMETA – qurilish, montaj ishlari, asbob uskunalar sotib olish uchun ketgan mehnat, material va pul xarajatlari miqdori belgilangan hujjatlar yig’indisi; moliya rejasining bir turi, bunda asosan xarajatlar aks ettiriladi.

SMENALILIK KOEFFITSIENTI – uskunalaming vaqt bo’yicha ish bilan ta’minlash darajasi ko’rsatkichi; sutka davomida ishlab berilgan mashina – smenalarning o’rnatilgan barcha smenalar soniga nisbati orqali aniqlanadi.

SKONTO – to’lov muddatidan oldin tovar uchun haq to’langan taqdirda tovar qiymatidan chiqariladigan chegirma.

SEPTILLION – birning yonidagi nollar soni 24 ta bo’lgan son.

SIVILIZATSIYA – jamiyatning o’z taraqqiyoti jarayonida yaratgan moddiy va ma’naviy boyliklarining, ularni yanada ko’paytirib hamda takomillashtirib berish usullarining majmuyi.

SIRPANUVCHAN O’RTACHA – trend yo’nalishi daraklarini turlicha ko’rsatadigan oynaning katta kichikligiga qarab sirpanuvchan o’rtachalar.

SIRG’ANMA NARX – ayrim yangi tovarlarga belgilangan nisbatan yuqori narx; bozorning to’yinishi bilan pasayib boradi.

SINXRO MARKETING – ishlab chiqarishni talabning tebranishiga moslashtirish.

SIRG’ALUVCHI O’RTACHA – qator darajalarini birin-ketin ma’lum tartibda surish yo’li bilan hisoblangan o’rtacha darajadir.

SINTETIK SCHYOTLAR – mablag’lar va xo’jalik jarayonlarining umumlashgan hisobi pul ko’rsatkichlarida yuritiladigan schyotlar.