Bo'lim: T harfiga oid iqtisodiy ensiklopedik atamalar

TASHQI SAVDO SIYOSATI – bir mamlakatning boshqa mamlakatlar bilan olib borayotgan savdosi (eksporti va importi) borasidagi siyosati. Bunga teng huquqlilik va ikki tomonlama manfaat olish ko’zda tutiladi. Eksport va importning … Batafsil

TASHQI SAVDO AYLANMASI – mamlakat, mamlakatlar guruhi tashqi savdo faoliyati hajmining pul ko’rinishidagi ifodasi bo’lib, muayyan vaqt oralig’idagi (masalan, yil davomidagi) eksport va import hajmining yig’indisiga teng bo’ladi.

TASHQI SAVDO AYLANMASI SALDOSI – mamlakat eksporti va importi hajmlari o’rtasidagi farq, tafovut.

TASHQI QARZNI RESTRUKTURIZATSIYA QILISH – qarzni qaytarish va u bo’yicha foizlarni to’lash muddatlarini uzaytirish.

TASHQI SAVDO – chet mamlakatlar bilan savdo-sotiq ishlarini yuritish, xorijga tovar chiqarish (eksport) va xorijdan tovar kiritish (import)ni o’z ichiga oladigan savdo.

TASHQI QARZ – mamlakat hukumati, moliya-kredit tashkilotlari, yirik korxonalariningboshqa mamlakatlar moliya-kredit muassasalaridan qarzga olgan moliyaviy mablag’larining jami hajmi.

TASHQI NODAVLAT QARZLAR – mamlakatdagi xususiy shaxslar (moliya muassasalari, korxonalar va aholi) tomonidan boshqa mamlakatlar moliya-kredit muassasalaridan qarzga olgan moliyaviy mablag’larining jami hajmi.

TASHQI INVESTITSIYALAR – foyda olish maqsadida chet el investorlari tomonidan boshqa davlat iqtisodiyotiga qo’yiladigan investitsiyalardir.

TASHQI DUNYO – shu mamlakatni tashqi iqtisodiy aloqalar olib boruvchi iqtisodiy agentlar bilan birlashtiruvchi institutsional sektor.

TASHQI BOSHQARUVCHI – xo’jalik sudining qarori bilan qonunda ko’zda tutilgan majburiy chora-tadbirlami amalga oshirish maqsadida tayinlangan shaxs.