Bo'lim: V harfiga oid pedagogikaga oid ensiklopedik atamalar

Vunderkind-(nemischa Wunderkind-aynan ajoyib bola)-zo’r va favqulodda noyob qobiliyatlarini, faoliyatning biror turiga layotqatini barvaqt namoyon etuvchi bola. “Vunderkind” so’zi kinoyali ma’noda ham ishlatiladi.

Voyaga yetmaganlar mehnatini muhofaza qilish-o’smirlar mehnatini muhofaza qilishga qaratilgan sanitariya, texnika va hayot xavfsizligi qoidalari.

Voyaga yetmaganlar javobgarligi-18 yoshga to’lmasdan jinoyat sodir qilgan shaxslarning javobgarligi, jinoyat qonuniga binoan tayinlanadigan qat’iy cheklangan jazo turlari.

Voyaga yetmaganlar-amaldagi O’zbekiston Respublikasi qonunchiligiga ko’ra, 18 yoshga yetmagan fuqarolar. Voyaga yetmaganlarni tarbiyalash vazifasi – davlat burchi, fuqarolarning esa konstitutsiyaviy majburiyati hisoblanadi.

Voyaga yetganlar-shaxsning turli sohalarda mustaqil harakat qilish, ijtimoiy munosabatga kirishishga loyiq yoshga yetganligi.

Viktorina-o’quvchilarga o’quv materiali yuzasidan jumboqli topshiriqlar berishga asoslangan mashg’ulot turi.

Vizual-(ko’rgazmali) vositalar-doskadagi yozuv. Geometrik tasvir, tarqatma material, o’quv plakati va fotosurat.

Vijdon-axloqiy tushuncha, yaxshi-yomonning farqini ifodalaydigan ichki ishonch, shaxsning xatti-harakatlari uchun axloqiy mas’uliyatni anglashi.

“Videotopishmoq” metodi-turli axborot vositalari (kompyuter, televideniye, radio, nusxa ko’chiruvchi qurilma, slayd, video va audio magnitofonlar) yordamida ta’lim jarayonini tashkil etish va o’quv topshiriqlarini taqdim qilish.

Vertikal pedagogika-yuqori sinf o’quvchilarining quyi sinf o’quvchilariga yordam ko’rsatishni hamkorlikda tashkil etish shakli.