ILONBURGUT

ILONBURGUT (Circaetus gallicus) — yirtqich qushlar turkumining qarchig’aylar oilasiga mansub qush. Tanasining uzunligi 67-72 santimetr, vazni 1,5—2 kilogramm. Tanasining ustki tomoni xira qo’ng’ir, ostki tomoni oqish, yirik qo’ng’ir xollari bor. Ko’zlari sariq va yirik. Yevropa, Osiyo va shimoliy Afrikada uchraydi. O’zbekistonda daraxt va qoyalarga uya quradi. Bitta oqtuxum qo’yadi. Urg’ochisi 45 kun tuxum bosadi. Jo’jasi 70-90 kunda uchirma bo’ladi. Ozig’ining asosiy qismini har xil ilonlar, kaltakesaklar tashkil etadi. Noyob tur bo’lgani uchun O’zbekiston qizil kitobiga kiritilgan.