MALAYYALAR

MALAYYALAR – 1) Janubiy-Sharqiy Osiyoda yashaydigan, indonez til lahjasida so’zlashadigan xalqlarning qadimdan keng tarqalgan nomi; 2) Malayziya (12,8 million kishidan ortiq), Indoneziya (10,8 million kishi, asosan, Kalimantan va Sumatra orollarida), Tailand, Singapur va Bruneydagi etnik birlik. Umumiy soni 21,3 million kishi (1990-yillar o’rtalari). Malayya tilida so’zlashadilar. Dindorlari — sunniy musulmonlar.