Otajonov Rahim Karimovich

Otajonov Rahim Karimovich (1905.5.5, Farg’ona viloyati Chimyon qishlog’i — 1996.17.9, Toshkent) — matematik olim. O’zbekistonda xizmat ko’rsatgan fan arbobi (1975). Farg’ona ta’limtarbiya texnikumini tugatgan (1924), shu yerda o’qituvchi (1924-30), Farg’ona pedagogika instituti fizika matematika fakulteti kechki bo’limini tugatgan (1933), shu institutda o’qituvchi, dekan va ilmiy bo’lim mudiri (1930-39), Toshkent pedagogika institutida katta o’qituvchi (1939-47), dekan (1941-45; 1959-61), prorektor (1945— 47), dotsent (1947— 59), professor (1971 yildan). Ilmiy ishlari geometrik yasash usullariga, konstruktiv geometriya elementlariga, darslarda geometriya o’qitish usullari va boshqalarga oid. Bir necha darslik va qo’llanmalar muallifi. As: geometrik yasash metodlari, T., 1958; fakultativ darslarda geometriya, T., 1973; konstruktiv geometriya elementlari, T., 1974.