Tuzlash

Tuzlash — mahsulotlarni konservalash usullaridan biri. Go’sht, tuxum, baliq, turli sabzavotlar maxsus usullarda tuzlanadi. Go’sht T. — go’sht kattakatta qilib tilimlanib, namakob bilan yuviladi va har qaysi tilimni mayda tuzga botirib, ipga tiziladi va kechki salqin tushgandan to ertalabgacha Shaba-da tegib turadigan joyga osib qo’yiladi. Kunduzgi issiqqa qoldirmay go’sht yig’ib olingach, tog’oraga solinib, ustidan doka yopiladi va salqinroq joyda saklanadi. Taom tayyorlashdan oldin tuzlangan go’sht iliq suvda yuviladi va ovqat tuz solinmay pishiriladi. Bodring T. — bodringni maydayiriklari ajratilgach, sovuq suv bilan yaxshilab yuviladi va sirlangan idish yoki bochkaga teriladi. Bochkaga yana ukrop, sarimsoq, qizil qalampir, kashnich urug’i, Rayhon va b. ko’k o’tlar solinadi. Bochka to’lgach, qopqog’i yopilib, ustiga og’irroq narsa qo’yib bostirib qo’yiladi. So’ngra qopqoqdagi maxsus teshikchadan sovitilgan namakob quyiladi. 10 kg bodring uchun: 500 g sarimsoq, 300 g ukrop, 8-10 dona qizil qalampir, 2 osh qoshiq kashnich urug’i, 1 tup Rayhon shoxlari; namakob uchun: 10 l suvga 700 g tuz solib qaynatiladi. Bodringli bochka xona haroratida 1-2 kun saqlangach, sovuqroq joyga olib qo’yiladi. Karam T. — tozalangan karam boshi maydalab to’g’raladi, tuz va yirik qirg’ichdan chiqarilgan kizil sabzi aralashtiriladi, bochka yoki sirlangan kostryulkaga zichlab bosiladi, so’ng ustiga yog’och qopqoq, uning ustiga og’irroq yuk (yoki yirik tosh) bostirib qo’yiladi. Idishdan chiqqan suv karamni ko’mib turish lozim; karamni tuzlashda unda sut kislotali bijg’ish jarayoni sodir bo’lib, xushbo’y maza beradi. Karamning bijg’ishi qaroratga bog’liq, harorat 16°-18° da 10 kunda tayyor bo’ladi. 10 kg karamga 200 g tuz, 2-3 dona sabzi, 3-5 dona dafna yaprog’i, 50 g yanchilmagan murch kerak bo’ladi.