Bosh sahifa - Milliycha.uz

Kitob haqida qiziqarli faktlar

🔰 Dunyodagi eng katta lugʻat “Nemis lugʻati” (“Deutsches Wortetbuch”) boʻlib, u 1854-yili Yakob va Vilgelm Grimm tomonidan boshlangan. Bu ishga keyinchalik turli olimlar hissa qoʻyshib, 1971-yili yakunlangan. 33 jildli ushbu lugʻat 34519 betdan iborat.

🔰 Barcha zamon va xalqlarning eng mashhur yozuvchisi Agata Kristidir. Uning detektiv hikoyalari 50 dan ortiq tilda hammon chop etilmoqda. Kristining nashr etilgan kitoblari nusxasi 2 milliarddan oshadi.

🔰 Dunyodagi eng ogʻir kitob Britaniya muzeyida saqlanuvchi XVII asrga oid geografik atlasdir. Uning boʻyi 1,9 metr, ogʻirligi 320 kilogrammdir.

🔰 Google dunyoda chop etilgan barcha badiiy, publitsistik, ilmiy asarlar sonini hisoblab chiqqan. Ularning soni 130 milliondan oshadi.

🔰 Napoleon daqiqasiga 2000 ta soʻzni oʻqiy olgan.

🔰 Dunyodagi eng mashhur kitob qahramoni — Napoleondir. U haqda 10000 dan ortiq turli janrdagi kitoblar yozilgan.

Madhiya qabul qilingan kun

“Oʻzbekiston Respublikasi Davlat gimni toʻgʻrisida”gi Qonun 1992 yil 10 dekabrda Oʻzbekiston Respublikasi Oliy Kengashining XI Sessiyasida qabul qilingan.
Oʻzbekiston Respublikasining Davlat madhiyasi Oʻzbekiston Respublikasi Davlat suverenitetining ramzidir.
Oʻzbekiston Respublikasining Davlat madhiyasiga zoʻr ehtirom bilan qarash Oʻzbekiston Respublikasi har bir fuqarosining vatanparvarlik burchidir.
Davlat madhiyasining soʻzi Oʻzbekiston xalq shoiri Abdulla Oripov qalamiga mansub, musiqasini esa bastakor Mutal (Mutavakkil) Burhonov yozgan.

Gimn nima?

O’zbekistonda ona tilimizga davlat maqomi berilganidan keyin madhiya deb yuritilayotgan «gimn» — bu, tantanavor qo’shiq. Davlat, diniy, harbiy madhiyalar bo’ladi, ularni qandaydir ahamiyatli voqealar sharafiga bastalaydilar. Madhiya va gimn singari muvoziy qo’llayotgan atamalarimiz arabcha va yunonchadan olingan. Qadim-qadim zamonlarda ilohlar va bahodirlarni madh etuvchi qo’shiqlar xuddi shunday atalardi. Asrlar kechar ekan, madhiya qo’shiqlar ham o’zgardi. Ezgu va yuksak g’oyalarni madh etish va abadiylashtirish ularning asosiy mazmuniga aylandi. Bir talay kompozitorlar bu jabhada ham boshqalarga o’rnak bo’lishgan. Mustaqil asarlar ham, yirik asarlar ham — opera yoki baletning qismlari ham gimn tarzida qabul qilinadi. Albatta, Glinkaning «Ivan Susanin» operasidan va Gliyerning «mis chavandoz» baletidan «ulug ‘shaharga madhiya» (Peterburgga) lar hammaga tanish. Betxovenning Shiller qalamiga mansub «quvonch sari» bag’ishlovi matni asosida bastalangan to’qqizinchi simfoniyasining yakunlovchi xori ham gimn sifatida yaratilgandi. Insonlar birodarligini madh etuvchi bu xor, shubhasiz, dunyodagi eng mashhur gimnlardan biridir. Davlat madhiyasi — bu, gerb va bayroq qavatttda mamlakatning rasmiy ramzi. U orkestr yoki xor ijrosida tantanavor paytlarda: alohida xizmat ko’rsatgan fuqarolarni taqdirlash tantanalarida, yosh askar va ofitserlar tomonidan harbiy qasamyod qilinayotganda, rasmiy delegatsiyalarni qarshi olish chog’ida, sport musobaqalarining taqdirlovlarida, turli qurultoylar ochilishida, davlat arboblarini dafn etish marosimida va hokazolarda yangraydi.

O’zbekiston madhiyasi

Mutal Burhonov musiqasi
Abdulla Oripov so’zi

Serquyosh hur o’lkam, elga baxt, najot,
Sen o’zing do’stlarga yo’ldosh, mehribon!
Yashnagay to abad ilmu fan, ijod,
Shuhrating porlasin toki bor jahon!

Naqarot:

Oltin bu vodiylar – jon O’zbekiston,
Ajdodlar mardona ruhi senga yor!
Ulug’ xalq qudrati jo’sh urgan zamon,
Olamni mahliyo aylagan diyor!

Bag’ri keng o’zbekning o’chmas iymoni,
Erkin, yosh avlodlar senga zo’r qanot!
Istiqlol mash’ali tinchlik posboni,
Xaqsevar, ona yurt, mangu bo’l obod!

Naqarot:

Oltin bu vodiylar – jon O’zbekiston,
Ajdodlar mardona ruhi senga yor!
Ulug’ xalq qudrati jo’sh urgan zamon,
Olamni mahliyo aylagan diyor!