«Chayon» so’zining o’ziyoq bizni xavfli zahar haqida o’ylashga majbur etadi. Haqiqatan ham chayonga duch kelinganda ko’ngilsizlik ro’y berishi mumkin. Chayonlar o’rgimchaklarga qarindoshdir. Chayonning to’rt juft oyog’i va o’ljasini ushlab turadigan ikkita kuchli qisqichsimon tirnoqlari bor. Chayonning uzun bo’gimli dumi bo’lib, uning uchida zaharli bez tomirlariga ulangan o’tkir nishi mavjud. Chayon yurganda dumini yoysimon o’rab, ko’tarib oladi. Qisqichsimon tirnoqlari bilan o’ljani ushlab olganda, chayon dumini boshi ustidan oshirib, qurboniga nish sanchadi. Zahar chayon o’zi yeydigan hasharotlarni, o’rgimchaklarni va boshqa jonivorlarni yo o’ldiradi, yo falaj etib tashlaydi. Chayonlar tunda yurishni ma’qul ko’radi va kunduz kunlari soyalarda, masalan, toshlar tagida, pustlar ostida yoki uyning qorong’i burchaklarida pusib yotadi. Katta chayonlar odatda yolg’iz yashaydi va yuradi. Chayonlar tuxum qo’ymay bolalaydigan hayvondir, jajji chayonlar dastlab onasining yelkasiga chiqib oladilar, ammo u bolasini boqmaydi, bir necha kun o’tgandan so’ng kichkintoylar o’z holicha kun kechira boshlaydilar. Chayonlar issiq iqlimda yashaydi. Ularning uzunligi 1 santimetrdan 17 santimetrgacha bo’ladi, eng yirik turlari esa tropik o’lkalarda uchraydi.
Milliylik-millat ko'zgusi
Inson terisi har 27 kunda to’liq yangilanadi
Lasos balig’i miya faoliyati uchun o’ta foydalidir
Bodring og’izdagi hidni ketkazishda katta yordamchi hisoblanadi
Kola va Pepsi tanaga suv emas, balki kislota bo’lib kiradi
Bir kechaning o’zidayoq burun bitishini yo’q qilishning oddiy usul bor
Nonushta vaznni nazorat qilishga yordam beradi
Olimlarning aytishicha, qahvaga qo’shilgan shakar miya faoliyati uchun kuchli rag’batlantiruvchi ta’sir ko’rsatadi
Agar urg’ochi tulki vafot etsa, erkak tulki o’ziga boshqa juft qidirmaydi
Agar organizimingizga bir oy davomida shakar kirmasa nima bo’ladi?
Olimlar aniqlashicha, anor mevasida organizmni tiklash uchun zarur bo’lgan elementlar mavjud ekan
Payshanba, Sentabr 18, 2025