Kurtak qanday rivojlanadi?

Bahor oylarida daraxtlar yaproq yozadi va gullaydi. Ammo yaproqlar yozilishidan oldin o’tgan yil kuzida tug’ilgan kurtak holida bo’ladi. Aksariyat o’simliklar kuzda yaproqlarini to’kadi. Ko’klam chog’i esa yangi yam-yashil yaproqlar bilan qoplanadi va gullaydi. Bu azal-azaldan odamlarning e’tiborini tortib kelgan. Ammo kurtaklarning hosil bo’lish jarayoni ham qiziqarlidir. Kurtaklar poyaning tepasida yoki yaproqlarning qo’ltigida paydo bo’ladi. U yerdagi novdaning murtagi kurtak qobig’i bilan yaxshilab o’raladi va kunlar isigunga qadar shu taxlit saqlanib qoladi. Qizig’i shundaki, inson sarsabil va karam singari ayrim o’simliklarning kurtagini iste’mol qiladi.