ASTENIYA

ASTENIYA (Yunoncha astenia — darmonsizlik) — asabiy-ruhiy quvvatsizlik; bunday bemorning kayfiyati o’zgaruvchan bo’lib, tez toliqadi, ozib ketadi, uyqusi buziladi. Yig’loqi bo’lib qoladi; vegetativ nerv sistemasining vazifasi izdan chiqadi, uzoq vaqtgacha bosh og’riydi. Boshdan kechirilgan kasalliklar, shikastlanishlar, ruxiy toliqish, ichki a’zolar xastaligi (me’da yara kasalligi, gastrit, kolit, xolesistit va boshqalar), miya shikastlanishi va boshqalar. Asteniyaga sabab bo’ladi. Asteniya yuqumli kasalliklardan tuzalish davrida kuzatiladigan holatlardan biri.