ATTORLIK

ATTORLIK — bozorlarda pardozandoz, mayda ro’zg’or mollari bilan savdo qiluvchi do’konlar rastasi, qatori. O’tmishda doridarmon, mayda ro’zg’or buyumlari (ip, igna, xina, oyna, taroq, saqich, atir-upa va boshqalar) bilan savdo qiluvchi sayyor mayda savdogarlar attorlar deb atalgan. Hozir Attorlik mollari keng assortimentda magazinlarning maxsus galantereya va parfyumeriya bo’limlarida yoki maxsus magazinlarda sotiladi.