YOVSHAN

YOVSHAN, oq jo’san (Artemisia diffusa N. Krasch) — qoqidoshlar (murakkab guldoshlar) oilasiga mansub sershox o’t yoki chala buta. Bo’yi 25-45 santimetr, qalin tuklar bilan qoplangan. Bargi ipsimon bo’laklarga bo’lingan. To’pguli ro’vaksimon savatcha. Gullari mayda, sariq, ikki jinsli. Cho’llarda, ba’zan adirlarda o’sadi. Fevralning 2-yarmidan barg chiqaradi, iyul va avgustda o’sishdan to’xtab, barglari to’kiladi. Sentabrda yana ko’karib gullaydi, noyabrda urug’i pishadi va sovuq urguncha yashil barglari saqlanib turadi. O’tloqlarda asosiy oziqbop o’simlik hisoblanadi. Bir yillik novdalari tarkibida oqsil, yog’, kletchatka, 43,1% azotsiz ekstrakt moddalar, umuman, yer usti qismida 0,81—1,25% efir moyi bor. Yo.ni mollar qishda va bahorda xush ko’rib yeydi.