IVANOV PLATON IVANOVICH

IVANOV PLATON IVANOVICH (1891 — 1968) — psixolog olim, O’zbekistonda xizmat ko’rsatgan fan va texnika arbobi (1968), professor (1938), 1927 yildan O’zbekistonda. Dastlab Samarqanddagi O’zbek oliy pedagogika institutida dars bergan. Nizomiy nomidagi Toshkent pedagogika institutida pedagogika (1930-39), psixologiya kafedralari (1939-68) mudiri. Shu institutda psixologiya laboratoriyani ochgan va unga rahbarlik qilgan. Psixologiyaning turli masalalariga, xususan, Iroda va xarakter tarbiyasiga oid bir necha asarlari, pedagogika institutlari talabalari uchun darsliklari nashr etilgan.