YANGI MARG’ILON

YANGI MARG’ILON — Farg’ona viloyatidagi shaharcha (1947 yildan). Marg’ilon shahar Kengashiga qarashli. Marg’ilondan 3-4 kilometr Janubda. Yaqin temir yo’l stantsiyasi — Marg’ilon. Aholisi 23 ming kishi (2004). Shaharda bir necha korxona, qurilish tashkilotlari, dehqon bozori, 4 umumiy ta’lim maktabi, Markaziy kutubxona, madaniyat saroyi, aloqa bo’limi, savdo, madaniy va maishiy xizmat ko’rsatish shoxobchalari, poliklinika, kasalxona, dorixona va boshqalar tibbiy muassasalar faoliyat ko’rsatadi. Yangi Marg’ilondan Marg’ilon va Farg’ona shahrilariga avtobus va marshrutli taksilar qatnaydi.