ARGENTINLAR

ARGENTINLAR — xalq, Argentinaning asosiy aholisi. Umumiy soni 28,3 million kishi (1992), shundan 26,64 million kishi Argentinada. Argentinlar ispan tilining argentin lahjasida so’zlashadilar. Yevropeoid irqiga mansub. Dindorlari asosan — katolik. Argentinlar millati 19-asrning ikkinchi yarmida Yevropa (asosan Ispaniya, Italiya) dan ko’chib kelganlarning mahalliy xalq (indeys)lar bilan qo’shilishi natijasida paydo bo’lgan. Argentinlarning shakllanishi asosan 20-asr boshlarida tugallandi.