ASALARI BITI

ASALARI BITI (Braula coeca) — to’garak chokli kalta mo’ylovlilar kenja sinfi braulidlar oilasiga mansub pashsha. Uzunligi 1,4 — 1,5 millimetr. Qanotlari bo’lmaydi. Asalari kommensali hisoblanadi. Asalarilar tanasida, asosan ko’kragi bilan qorni oralig’ida tishchali tirnoqlari yordamida yopishib olib yashaydi. Ishchi arilarning urg’ochilariga va yosh arilarga beradigan ozig’i bilan oziqlanadi. Bitta ari tanasida 75 gacha Asalari biti bo’lishi mumkin. Tuxumlarini ari uyasidagi katakchalarning qopqog’iga qo’yadi, lichinkalari katakchalarni teshib, undagi g’amlangan changlar yoki mum bilan oziqlanadi. Asalarilarda uch raydigan braulidlarning boshqa ayrim turlari ham Asalari biti deb ataladi.