Muallif: Admin

Berkitish (mahkamlash, to’ldirish ma’nosida) – bog’langan elementlarning o’zaro harakatiga imkon bermaydigan aloqa. Yoriqlarni yopish, Jo’natmalarni muhrlash. Masalan: to’sinni mahkamlash, beton bilan berkitish, isitish quvurlarini mahkamlash va hokazolar.

Berkitilmagan – 1) uchlari, chetlari bog’lanmagan qismlar; 2) qulflanmagan.

Berik – qadim: qal’a, qo’rg’on, shahriston.

Bentonit – 1) loy turi; 2) 60% dan kam bo’lmaan miqdorda montmorillonit guruhi minerallaridan tashkil topgan va yuqori bog’lanuvchanlik xususiyatiga, absorbtsion va katalitik faollikka ega bo’lgan gil. Kristobalit, kvarts, tseolitlar, … Read More

Benzinli keskich – beton, tosh, asfalt, metall, keramika va boshqa turdagi yuqori zichlikka ega materiallarni kesish uchun mo’ljallangan professional, maxsus uskuna.

Bengu (benigu, bengku) (turkcha: bengu – “umrbod”) – yodgorlik, yodnoma, osori atiqa.

Bemoriston (bemorxona) – davolash muassasasi, shifoxona, kasalxona.

Belkurak (kurak) – qum, qor kabi mayda narsalarni sidirish, yig’ish, surish uchun ishlatiladigan uzun sopli asbob. Asosiy qismi temir, yog’ochdan yasaladi. Masalan: teskari kurak, to’g’ri kurak, uchli belkurak va hokazolar.

Belkash – paxsakash ustaga pastdan pishiq loyni bel (belkurak) bilan kesib yuqoriga otib beruvchi yordamchi, mardikor.

Belveder – tarhi bo’yicha ko’rinishi, odatda, doirasimon bo’lgan va bino ustiga quriladigan gumbaz (minora).