Muallif: Admin

Hajmiy yong’in o’chirish o’rnatmasi – himoyalanadigan xona (inshoot) hajmida alangalanishga imkon bermaydigan muhit yaratish uchun yong’inga qarshi o’rnatma.

Hajmiy blok – binoning ma’lum hajmini (bo’lagini) chegaralovchi va zarur kuchga, qattiqlik va barqarorlikka ega bo’lgan fazoviy yupqa devorli ko’rinishdagi konstruktiv element.

Haqraxa (qaqroqa) – u orqali biror narsani ko’chirish yoki harakatlantirish imkonini beruvchi bo’sh joy. Qo’shni o’tishi uchun ajratiladigan yo’l, yo’lak, dalon.

Haram – 1) ichkari (hovli), ayollar turadigan xos xona, uy; 2) muqaddas deb ajratib qo’yilgan, kirish taqiqlangan joy. Baytulgaram-muqaddas ibodatgoh, Ka’ba, Makatulla.

Harakatchanlik (qo’zg’aluvchanlik) – tirik hujayralarning tashqi muhitdagi o’zgarishlarni sezish, bu o’zgarishlarga qo’zg’alish reaktiyasi bilan javob berish xususiyati. Masalan: beton qorishmasining harakatchanligi, bo’ylama qo’zg’aluvchanlik, qorishmaning harakatchanligi va hokazolar.

Harakatchan kuch – inshootdan foydalanish jarayonida quyilish joyi va ta’sir yo’nalishi o’zgarishi mumkin bo’lgan kuch.

Harakat tasmasi qo’shimchasi – yo’l chetining mustahkamlovchi chizig’i yonida joylashgan va transport oqimlarini burish yoki birlashtirish, shuningdek, transport vositalarini tezlashtirish va sekinlashtirish uchun foydalaniladigan avtomobil yo’lining qatnov qismining chizig’i.

Harakat – biror narsani (ob’yekt yoki uning qismlarini) ma’lum bir yo’nalishda harakatlantirish.

Halqasimon (sirtmoqsimon) – halqaga xos bo’lgan yoki halqa bilan bevosita bog’liq.

Halqa (bo’lak, qism) – zanjirning alohida komponenti, odatda, halqa yoki boshqa narsa ko’rinishidagi, boshqa muayyan narsalarga harakatlanuvchi tarzda mahkamlangan.