Muallif: Admin

Bolalar o’yinlari-bolalarni aqliy, axloqiy, jismoniy va estetik tarbiyalash vositalaridan biri. Bolalar o’yinlari bolalarni jismoniy, aqliy va ma’naviy tarbiyalash vositasi.

Bolalar o’yin qo’shiqlari-folklor janri. Bolalar o’yini jarayonida aytiladi. Bolalar o’yinining tarkibiy qismi bo’lib, o’yin uchun zamin, kayfiyat hozirlaydi, ishtirokchilar harakatini to’ldiradi, dramatik holatni yuzaga keltiradi.

Bolalar xori-yuqori va quyi ovoz tembriga ega bo’lgan o’g’il va qiz bolalardan tashkil topgan qo’shiq kuylovchi jamoa.

Bolalar folklori-og’zaki ijod namunalari. Odatda, bolalar yoki ular uchun kattalar tomonidan yaratiladi. Folklor janrining tarkibiy qismi.

Bolalar texnika ijodi-bolalar faoliyatining turi. Odatda, bu faoliyat modellar, mexanizmlar, oddiyroq mashinalar, asboblar, radio electron qurilmalari va shu kabilarni yasashdan iborat.

Bolalar teatri-bolalar tomonidan ijro etiladigan spektakllar.

Bolalar tanlovlari-fan, texnika, adabiyot, san’at kabi sohalar bo’yicha bolalarning o’zaro musobaqalashishi.

Bolalar sport maktabi-bolalar sportning muayyan turlari bo’yicha ta’lim-tarbiya beradigan maxsus ixtisoslashgan o’quv muassasasi.

Bolalar psixologiyasi-psixologiya sohasi, bolalar psixologik rivojlanishining umumiy va alohida xususiyatlarini, turli yosh bosqichlarida bu jarayon qanday kechishi, uni harakatlantiruvchi kuchlar va qonuniyatlarni tadqiq qiladi.