Muallif: Admin

Atama-bilim yoki faoliyatning maxsus sohasiga doir tushunchani ifodalovchi so’z yoki so’z birikmasi.

Astronomiya-o’quvchilarda osmon jismlari to’g’risida ilmiy tushuncha hosil qiladigan o’quv fani.

Aspirantura-oliy o’quv yurtlari yoki ilmiy tekshirish institutlari huzurida fan nomzodi darajsidagi yuqori malakali o’qituvchilik lavozimi.

Aspirant-oliy ta’lim keyingi yuqori bosqichda ta’lim olib, muayyan sohada nomzodlik ilmiy darajasini olish uchun faoliyat ko’rsatadigan shaxs.

Asl manba-biror asar yoki matnning sharhlanmagan, boshqa tilga tarjima, tahrir qilinmagan (muallif tuzatishlar va tahriri bundan mustasno) asl nusxasi.

Arxiv metodi-kundalik qaydnomalar va yozuvlar, arxiv ma’lumotlar, mehnat yoki ijodiy faoliyatni tahlil qiluvchi tadqiqot turi.

Arifmetika-o’quvchilarga matematik sonlarning oddiy xossalarini hamda ular ustida bajariladigan amallarni o’rgatadigan o’quv fani.

Arab tili o’qitish metodikasi-1) arab tili ta’limi nazariyasi hamda metodikasi bo’yicha talabalarga muayyan bilim, ko’nikma, malakalar hosil qilishga yo’naltirilgan o’quv fani; 2) arab tili o’qitish metodikasi xususiy pedagogikaning alohida tarmog’i.

Arab tili xonasi-arab tili fanini o’qitishda dars va darsdan tashqari mashg’ulotlarni samarali tashkil etishga qaratib maxsus jihozlangan o’quv xonasi.

Arab tili Davlat ta’lim standarti-arab tili ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.