BIRINCHI SIGNAL SISTEMASI

BIRINCHI SIGNAL SISTEMASI — tashqi va ichki muhit ta’sirotlari (yorug’lik, tovush va hokazolar) odam hamda hayvonlarning retseptorlarta ta’sir etganda, bosh miya katta yarim sharlari po’stlog’ida hosil bo’ladigan nerv jarayonlari majmui. Bu sistema voqelikni sezgi va tuyg’ular shaklida bevosita aks ettiradigan asosdir. Bu sistema terminini I. P. Pavlov joriy etgan (1932). Uning ta’kidlashicha, hayvonlar ko’ruv, eshituv va boshqa retseptorlarga ta’sir qiladigan ta’sirotlar tufayligina voqelikni sezib turadi.
Odamda bevosita ta’sirotlarni idrok etadigan birinchi signal sistemasi va nutqni idrok etadigan ikkinchi signal sistemasi bor; bu ikkala signal sistemasi sifat jihatidan turlicha bulsada, bir-biri bilan chambarchas bog’langan, bir butun holda (oliy nerv faoliyati qonuniyatlari asosida) ishlaydi.

Shuningdek o’qing: BIRINCHI HAYDOV

Qiziqsangiz: Birinchi signal haqida