BOZULBANG

BOZULBANG (Lagochilus inebrians) — yalpizdoshlar oilasiga mansub ko’p yillik o’simlik. Bo’yi 20-40 santimetr, poyasi yaltiroq, qalin tuk bilan qoplangan. Barglari kam tukli, gullari poyaning har bo’g’imida 4-6 tadan bo’lib, barg qo’ltig’iga joylashgan. Kosabarglarining uchi tikansimon. Iyundan avgustgacha gullaydi. Samarqand, Buxoro va Qashqadaryo viloyatlarining tog’etaklaridagi soz tuproq yerlarda, Toshloq yon bag’irlarida va adirlarda o’sadi. Gullash davrida poyasi va barglarida Lagoxilin, staxidrin, smola, efir moyi, oshlovchi moddalar, qand, organik kislotalar, flavinglikozidlar, karotin, vitamin S, kaltsiy va temir tuzlari bo’ladi. Poyasi va barglaridan tayyorlangan ekstrakt tibbiyotda ishlatiladi.