BURNASHEVA QAMARA

BURNASHEVA QAMARA (1920.8.3 Andijon— 2000.31.5) —O’zbekiston xalq artisti (1960). 1934 yildan Y. Oxunboboyev nomidagi Andijon musiqali drama va komediya teatrida (1943 yil Samarqand teatrida) aktrisa. Mashhur rollari: Gulbahor, Tojixon («Boy ila xizmatchi», «Xolisxon»), Juletta («Romeo va Juletta»), Hafiza («Shohi so’zana»), Katerina («Momaqaldiroq»), Shirin («Farhod va Shirin»), Layli («Layli va Majnun»), Nurxon («Nurxon»), Farmonbibi («Kelinlar qo’zg’oloni»), Nodira («Nodira»), Shohsanam («Oshiq G’arib va Shohsanam») va boshqalar. Burnasheva serqirra aktrisa bo’lib, o’tkir hajviy, lirik va murakkab psixologik rollar ustasi sifatida tanilgan.