Bo'lim: К harfiga oid biologiyaga oid ensiklopedik atamalar

Kasallikka moyillik – o’simlik, hayvon va odam organizmining kasallikka qarshilik ko’rsata olmaslik хususiyati. Вu – organizmning o’ziga xos xususiyati va agentlarning kasallik tug’dirish darajasiga bog’liq.

Kastratsiya (gullar), gullarni bichish – o’simlik gullarining yetilmagan changdonlarini sun’iy ravishda uzib tashlash. Bunda o’zidan changlanish jarayoni yuz bermaydi.

Karpsimonlar, zog’ora baliqlar-suyakli baliqlar turkumi.

Karotinoidlar – asosan o’simliklar va ba’zi hayvonlarda uchraydigan sariq, zarg’aldoq yoki qizil tusli yog’da eriydigan pigmentlar; ba’zi bakteriyalar va zamburug’lar ham sintezlaydi.

Karotinlar – sarg’ish-pushti tusli, asosan yashil o’simliklarda hosil bo’ladigan karotinoidlarga mansub pigment. Sabzi va na’matak mevasida ko’p.  

Kariotip – ma’lum turga marisub xromosomalar diploid to’plami belgilarining (soni, kattaligi, shakli) majmui. Bir organizm hujayralaridagi kariotipning doimiyligi mitoz bilan, tur doirasida esa meyoz bilan ta’minlanadi. Kariotipni aniqlashda kariogrammadan foydalaniladi.

Karioplazma – Yadro plazmasi, yadro shirasi – xromatin iplar, yadrocha va boshqa ko’pgina yadro tuzilishlari oralig’ini to’ldiruvchi modda.

Kariologiya – hujayra yadrosining tuzilishi vazifasi, evolutsiyasi, хrоmоsomalar to’plami va boshqalarni o’rganadigan sitologiya bo’limi.

Kariokinez – hujayra yadrosining noto’g’ri bo’linishi. Mitozning eskirgan nomi.

Kariogramma – bir hujayra хrоmosoma to’plamining grafik tasvirini tuzish; xromosoma tuzilishlarini o’rganishda qo’llanadi. Tibbiyotda shunga asosan xromosomalar kasalligi aniqlanadi.