Bo'lim: A harfiga oid iqtisodiy ensiklopedik atamalar

AXBOROTLASHTIRISH SOHASIDAGI DAVLAT SIYOSATI – axborotlashtirish sohasidagi davlat siyosati axborot resurslari, axborot texnologiyalari va axborot tizimlarini rivojlantirish hamda takomillashtirishning zamonaviy jahon tamoyillarini hisobga olgan holda milliy axborot tizimini yaratishga qaratilgandir.

AXBOROTGA TAHDID – axborotning konfidensialligi, butunligi, to’laligi va u bilan tanishish qoidasining buziUshi tushuniladi.

AXBOROTLASHTIRISH – yuridik va jismoniy shaxslarning axborotga bo’lgan ehtiyojlarini qondirish uchun axborot resurslari, axborot texnologiyalari hamda axborot tizimlaridan foydalangan holda sharoit yaratishning tashkiliy ijtimoiy-iqtisodiy va ilmiy-texnikaviy jarayoni.

AXBOROTGA SANKSIYASIZ KIRISH – kirishga huquqi bo’lmagan shaxsning qonunbuzarlik yo’li bilan konfidensial axborotga ega bo’lishidir.

AXBOROT XAVFSIZLIGIGA TAHDID – manbalariga raqiblar, jinoyatchilar, korrupsiyachilar hamda boshqa buzg’unchilar kiradi.

AXBOROT TA’MINOTI – hujjat aylanmasi va hujjatlar shaklini ratsional holga keltirishni o’z ichiga olgan axborotni joylashtirish va tashkil qilish bo’yicha uslublar va vositalar yig’indisidir.

AXBOROT TIZIMI – axborotni to’plash, saqlash, izlash, unga ishlov berish hamda ulardan foydalanish imkonini beradigan, tashkiliy jihatdan tartibga solingan jami axborot resurslari.

AXBOROT TEXNOLOGIYASI – axborotni to’plash, saqlash, izlash, unga ishlov berish va uni tarqatish uchun foydalaniladigan jami uslublar, qurilmalar, usullar va jarayonlar.

AXBOROT RESURSLARI (ZAXIRALARI) – tashkilot uchun qadr-qimmatga ega bo’lgan moddiy zaxira sifatida qatnashadigan ma’Iumotlar yig’indisi tushuniladi. Ular jumlasiga ma’Iumotlar fayli, hujjatlar, matnlar, grafikalar, bilimlar, audio-video axborotlar kiradi.

AXBOROT RESURSLARI SEKTORI – axborot resurslarini yig’ish, tizimga keltirish va turkumlash; rahbar-xodimlar uchun turli mavzulardagi axborotlarni tayyorlash.