Bo'lim: B harfiga oid iqtisodiy ensiklopedik atamalar

BUXGALTERIYA HISOBI TIZIMI – buxgalteriya hisobi schyotlarida xo’jalik muomalalarini yozish tizimi. Bu yozuvlar tartibiga qarab ikki xil bo’lishi mumkin: oddiy va ikkiyoqlama.

BUXGALTERIYA HISOBI VA HISOBOTINI TARTIBGA SOLISH – buxgalteriya hisobini to’g’ri tashkil etish, uning aniqligi va yagonaligini ta’minlaydigan asosiy shartlardan biri. Buxgalteriya hisobi va hisobotini tartibga solish, buxgalteriya hisobi standartlarini ishlab … Read More

BUXGALTERIYA HUJJATI – xo’jalik muomalalari sodir bo’lganligining yozma isboti yoki xo’jalik muomalalarini amalga oshirish huquqi. Buxgalteriya hujjatlari, odatda, belgilangan shakl bo’yicha tipografiya usulida bosilgan blankalarda tuziladi. Ayrim hollarda muayyan xo’jalik … Read More

BOZOR NARXI – iqtisodiyotda jami talablarga ko’ra o’zgarmas holda qoluvchi narxlar.

BOZOR MUNOSABATI – bozordagi talab va takliflarning miqdoran va tarkibiy jihatdan bir-biriga muvofiq kelishi. Agar shunday muvofiqlik bo’lmasa, bozor muvozanati izdan chiqadi.

BYUROKRATIYA – tashkilot turi bo’lib, unga mehnatni ixtisoslashtirilgan tarzda taqsimlash, aniq ierarxiya, standartlar, xodimning bevosita vazifasiga asoslangan ishning baholanish ko’rsatkichlari kiradi.

BYUROKRAT – 1. Hokimiyatchilik vakolatlariga ega bo’lgan amaldorlar toifasiga kiruvchi shaxs. 2. O’z vazifalarini ko’r-ko’rona, ishga zarar keltirib bajaradigan amaldor shaxs, rasmiyatchi sansalorchi.

BUYURTMA NUQTASI – tovar moddiy zaxira keyingi guruhiga buyurtma berishni aniqlashga yordam beradigan ombordagi mavjud va buyurtma berilgan tovar moddiy zaxira summasining past nuqtasi.

BUYURTMA KVALIFIKATORI – ma’lum bir mahsulotning shunday tavsiflari to‘plamiki, bular ushbu mahsulotning sotib olinishiga sabab bo’la oladi.

BUYURTMA G’OLIBI – ma’lum bir mahsulot, uni boshqa korxona mahsulotlaridan ajratib turadigan xossa va xarakteristikali mahsulotdir.