Bo'lim: B harfiga oid pedagogikaga oid ensiklopedik atamalar

Bolalar sport maktabi-bolalar sportning muayyan turlari bo’yicha ta’lim-tarbiya beradigan maxsus ixtisoslashgan o’quv muassasasi.

Bolalar psixologiyasi-psixologiya sohasi, bolalar psixologik rivojlanishining umumiy va alohida xususiyatlarini, turli yosh bosqichlarida bu jarayon qanday kechishi, uni harakatlantiruvchi kuchlar va qonuniyatlarni tadqiq qiladi.

Bolalar nafaqalari-davlat nafaqalari to’lashga oid qonunga ko’ra voyaga yetmagan jismonan nosog’lom bolalarga oylik nafaqa to’lash.

Bolalar musiqasi-bolalarning tinglashi va ijro etishi uchun mo’ljallangan musiqa asari. Bolalar musiqasi namunalari soda shakli, yorqin ifodasi, jonli badiiy mazmuni bilan ajralib turadi.

Bolalar maydonchalari-maktab va maktabdan tashqari muassasalari qoshida bolalar bo’sh vaqtini tashkil etishning majmuaviy shakli

Bolalar kutubxonasi-maktab yoshidagi bolalar va o’smirlarga xizmat ko’rsatadigan muassasa. O’zbekistonda bunday kutubxonalar ommaviy ravishda 30-yillarda vujudga kela boshlagan.

Bolalar konferensiyasi-turli asarlar va dolzarb masalalar muhokamasiga bag’ishlab o’tkaziladigan sinfdan va maktabdan tashqari ta’limiy tadbirlar.

Bolalar kinofilmlari-bolalar yoshi va dunyoqarashiga mos bo’lib, ular ta’lim-tarbiya berishga qaratilgan kinofilmlar.

Bolalar ijodiyot uyi-O’zbekiston Respublikasi Xalq ta’limi vazirligi tasarrufidagi maktabdan tashqari ta’lim muassasasi. 2005 yilda tashkil etilgan.

Bolalar ijodiy ko’rgazmasi-bolalar havaskorlik ijodiy ishlarini ommaviy namoyish etish jarayoni.