Bo'lim: B harfiga oid pedagogikaga oid ensiklopedik atamalar

Bolalar jurnallari-bolalarning o’qishiga mo’ljallangan davriy nashr.

Bolalar jamoasi-muayyan umumiy maqsadi va faoliyat turiga ko’ra birlashgan bolalar guruhi.

Bolalar va o’smirlar gigiyenasi-gigiyenaning bir sohasi; go’daklikdan boshlab to 17-18 yoshgacha bo’lgan bolalar va o’smirlarning salomatligini saqlash va mustahkamlash masalalari bilan shug’ullanadi.

Bolalar bog’chasida konstruksiyalash-“konstruktor” yordamida turli o’yinli qurilish materiallaridan har xil ob’yektlar, masalan uycha, mashina, kema, ko’prikcha kabilarni yasashga qaratilgan o’yin va mashg’ulotlar.

Bolalar bog’chasi tarbiyalanuvchilarining metodbirlashmalari-bolalar bog’chasi tarbiyalanuvchilarining pedagogik malaka oshirish va tajriba almashish orqali metodik ishlarni tashkil etishga ko’maklashadigan uyushmasi.

Bolalar bog’chasi-maktab yoshigacha bo’lgan bolalarni tarbiyalovchi muassasa. Birinchi marta 1837 yil Germaniyada nemis pedagogi F.Frebel tomonidan tashkil etilgan. Bolalar bog’chasi xalq ta’limi tizimining dastlabki bo’g’ini hisoblanadi. O’zbekistonda odatdagi bolalar bog’chasi … Read More

Bolalar bog’chalaridagi mashg’ulotlar-maktabgacha ta’lim yoshidagi bolalar bilan bolalar bog’chalarida o’tkaziladigan ta’limiy ishlar.

Bolalar adabiy ijodkorligi-bolalarning badiiy so’z san’ati yordamida o’z tuyg’ulari, fikrlari, borliqni badiiy-obrazli idrok etish va uni ifodalash imkoniyatlari.

Bola huquqi-Birlashgan Millat Tashkilotining Bola huquqlari Konvensiyasi tomonidan tasdiqlangan umumiy, me’yoriy qonun-qoidlar majmui.

Bodibilding, kulturizm (inglizcha Body-Building-tana tuzilishi) – sport turi; tana mushaklarini gantel, shtanga tosh va hokazolar yordamida rivojlantirish, uni chiroyli va baquvvat qilishga qaratilgan mashqlar tizimi.