Bo'lim: B harfiga oid qurilish atamalari

Bordyur – 1) yo’llar, trotuar, gazon va hokazolarni ajratib turuvchi ensiz tasmalar (to’suvchi toshlar, plitalar); 2) xona devorlarining yuqori qismlarini chizish yoki chegara (bo’yashda yoki devor qog’ozi ishlarida).

Bordon – qobig’i tozalanmagan qamishdan to’qilgan dag’al to’shama. Sinchli uylar tomini yopishda keng qo’llaniladi.

Borgoh – ulug’ dargoh; saroy, koshona, qasr, ko’shk.

Bora – qal’a (qo’rg’on) devori.

Bonitet – 1) tabiatdan foydalanishda ayrim manbalarni inson nazarida foydaliligi yoki ularning hududiy uyg’unlashuvi va to’plamini tavsiflovchi sifat ko’rsatkichi. Foydalanilayotgan va foydalanish uchun mo’ljallangan xo’jalik jihatdan qimmatli tabiat ob’yektlari va … Batafsil

Bombapanoh – himoya inshooti, fuqarolik mudofaasi ob’yekti, bomba va snaryadlarning kuchli portlash va parchalanish ta’siridan, vayron bo’lgan binolarning parchalaridan, zaharli gazlarning zaharlovchi ta’siridan himoya qilish uchun mo’ljallangan joy.

Bolta (chopqi, tobor) – yog’ochni yorish, daraxt kesish uchun ishlatiladigan yog’och dastali temirdan yasalgan asbob. Masalan: duradgorlik boltasi.

Bolt – bir uchi rezbali, ikkinchi uchi esa boshmoqli sterjen shaklidagi mahkamlovchi detal.

Boloxona – 1) yuqori, xona, ikki qavatli (oshiyona) uylarda yuqoridagi ayvon va xonalar; 2) bo’sh, chordoq orasida, uning to’suvchi qurilmalarini isitish bilan (baland tomlar nishabini) xona joylashtirish uchun qavat; 3) … Batafsil

Bolopo’sh – ship, tom, yopinchiq.